Un ano máis os concellos de Ames e Brión, en colaboración coa Consellería de Emprego e Igualdade da Xunta de Galicia e do Ministerio de Trabajo y Economía Social, poñen en marcha un obradoiro de emprego dirixido, nesta ocasión, á obtención do certificado de profesionalidade de Repoboacións forestais e tratamentos silvícolas.
Este obradoiro vai dirixido a persoas desempregadas, inscritas como demandantes na oficina de emprego correspondente, maiores de 18 anos e, ao ser un certificado de profesionalidade de nivel 2, que teñan como mínimo o título da ESO, FP, a proba de acceso a ciclos medios, as competencias clave de nivel 2 ou calquera outro título similar.
Para participar é imprescindible estar inscrito/a na oficina de emprego como demandante de obradoiros de emprego, cos códigos 340, 330, 320 ou 370. A preselección de candidatos/as vaise facer a vindeira semana (23-27 de novembro). Feita a preselección, a propia oficina de emprego enviará unha carta esa mesma semana ás persoas candidatas indicando o día, hora e lugar da entrevista de selección.
Para este obradoiro seleccionaranse:
- -
20
alumnos/as traballadores/as
- -
1
director/a
- -
2
mestres/as
- -
1
titor/a
- -
1
administrativo/a
Poderanse consultar as bases para a selección na páxina web dos concellos a partir da semana que vén.
O obradoiro dará comezo no mes de decembro e terá unha duración de 9 meses.